ترى اللي يرتجي " رَدّ الزياره" مثل من يحتري لحظة ذبوله قهر بين إنتصاري والخساره خطاوي تايهة وجله خجوله وأنا قلبي اللقاء كان اختياره مثل ما آثارت الفرقى فضوله أبرحل عن هواك و عن مداره عسى روحي تحبّ اللي تنوله خفوقي : اليوم يعلن إعتذاره عن الحبّ انتهت كامل حلوله حزين و ليله يواسي نهاره ولحظة طلعته تنعى دخوله غريب وغربته .. تشبه دياره وطلوعه يشبه للحظة نزوله حبيبي والعتب يسدل ستاره يدين اوهامي اللي صفّقوا له تعدّاك الشجاع اللي إنتظاره قضى يوم ابتدا يسرج خيوله
يموت الحلم في وقت انتصاره عزاه انه لحق لحظة وصوله شف اللي ماخذ العزّ ب جداره كتوفه ما شكت له من حموله كذا .. درب العمر كلّه إثاره قليل اللي خذوا دور البطوله
Like, reply, and interact
Open this post in the Things app to love, reply, and see all interactions.