لماذا وُجدت العيادات النفسية أجل؟ الأمر العجيب، واللي منتشر في ثقافتنا العربية، ان "الفضفضة" أو الشكوى -للرجال خاصةً- ما تفيد ومجرد دلع. صحيح ممكن ما يتغيّر شيء في الوضع نفسه، لكن نفسيًا يتغيّر ويتغيّر كثير بعد. الكبت يسبب أمراض نفسجسمية (أمراض جسدية أساسها نفسي)، وقد قلت لكم من قبل ان كثير عملاء يزورون العيادات عشان بس هالفضفضة اللي مجتمعهم مستكثرها عليهم ويشوف انها غير مهمة وأنك مجرد إنسان ساخط تبي تبلشنا وما تبي حلول، تدرون أصلًا أننا ما نعطي حلول في العيادة؟ حنّا بس نوجّه العميل وهو يوصل للحل بنفسه ويكتشفه؛ لأنه دائمًا هو أفضل خبير بنفسه، والفضفضة على قولتكم هي طريق يتّضح له من خلالها وش المفروض يسوي. مب دايمًا نبي حلول، أحيانًا نعرفها أصلًا، وكل اللي نحتاجه شخص يقول "أفهمك"، تعاطفوا يا عالم، التعاطف ببلاش.