عيال خالي ساكنين بنفس العماره تحت، ثاني يوم عزاء انا غبت عن المدرسة لاني كنت في بيت جدتي وبالصباح الكل كان نايم الا انا و اثنين من عيال خالي كنا قاعدين مع بعض نتكلم، كنا جالسين عند باب الغرفه بالضبط قريبين من بعض لكن عيال خالي كانوا ع يميني و كانوا قبالي يعني وجهي بوجههم، الزبده وانا اتكلم معاهم كنت حاسه فيه احد واقف ع يساري شوي عند طرف الباب ويطالع واستمر الشعور تقريبا دقيقه او اقل بشوي، وكنت الاحظ عيال خالي يطالعوا ع الطرف ويرجعوا يطالعوا فيني طبيعي بدون اي ردة فعل، الزبده حسيت بضيقة لاني مراقبة فقمت طالعت ع الطرف ولمحت هيئته (مافي ملامح لكن مجرد لونه اسود ولمحت ان فيه فراغ بمكان العيون), واختفى ع طول بعدها، ورجعت طالعت بعيال خالي بدون ما اقول ولا اي شي، وفجأه هم بنفسهم قالولي "شفتيه صح؟" وهنا انصدمت منجدد، وقالولي انهم متعودين يشوفوا دايما ويشوفوا اسوء من كذا بكثير بس متعودين، الزبده بالليل بعد ما كل الناس راحوا، قمت كلمت امي و خالاتي وكلهم كذبوني وبعدين ناديت عيال خالي عشان يفزعولي ويأكدوا كلامي وفالنهايه قالوا لا ما شفنا شي و روان قاعده تكذب! ومره انقهرت وبعدها حشرتهم بزاوية وهاوشتهم ليه تكذبوني رغم انكم انتوا اللي سألتوني بالصباح اذا شفت شي ولا لا! وبعدين قالوا "قلنا كذا عشان احنا صغار وماراح يصدقونا"، الزبدة لما كبرت قلت لخالاتي كل شي بالتفصيييل وصدقوني بعدها
القصة ذي صارتلي في بيت جدتي اول يوم في عزاها الله يرحمها كنت تقريبا في صف ثالث او رابع ابتدائي، انا وبنات خالاتي كنا في السطح وقت العصر والين المغرب لين ما الشمس غربت بشكل كامل وخالتي كانت تنادينا من اول لكن اتأخرنا بالنزول، الزبده كلنا نزلنا مع بعض وانا كنت وراهم انزل وفجأه سمعت بنت خالتي تناديني روان روان وصوتها بالسطح واحسبها باقي ما نزلت و انا ما انتبهت مين نزل ومين لا، فطلعت السطح والسطح كان ظلام مافي اي لمبة ونظام السطح كان عباره عن سطحين يعني سطح تطلعه وتروح ع اليمين وبيكون فيه درج وتطلع ع السطح الثاني وانا طلعت السطح الثاني لان من هناك صوت بنت خالتي وقعدت ادورها ومعتمده ع ضوء القمر وضوء المباني اللي حول بيت جدتي وشفت وحده جالسه عند الجدار نفس الجلسة اللي بالصورة وقعدت كم ثانيه اطالع فيها احسبها بنت خالتي تبكي وحزينه و جيت اطلع جوالي ابغا اشغل الفلاش واشوفها بشكل اوضح واكلمها وفجأه اختفت ووقتها اذكر كنت مصنمة بمكاني وحسيت ببرودة مره وقمت نزلت بكل هدووء ودورت ع بنت خالتي هذي وقلتلها انتي كنتي في السطح وناديتيني؟ وقالتلي لا وانتي فين اختفيتي فجأه واحنا اصلا من اول ندور عليك ونناديك وين كنتي؟ واحسبها تستهبل معي لان ما سمعت صوت اي احد بس طلعوا كلهم يأكدوا كلامها وحتى خالتي أكدت كلامها بس وقتها ما قلتلهم عن الموقف اللي صارلي الا بعدها بيوم لان ثاني يوم عزاء صارلي موقف بعد لكن داخل البيت وقلتلهم وكذبوني وقتها الزبده الشي الغريب ان انا حسيت الموقف اللي بالسطح صار بوقت قصير مره مره لكن بالنسبة لبنات خالاتي و خالاتي انا كنت غايبه عنهم لوقت اطول لدرجة انهم صاروا يدوروا علي
Like, reply, and interact
Open this post in the Things app to love, reply, and see all interactions.
