المادة اللي انهرت منها لا أزال اتذكر كلام قالته الدكتورة في إحدى المحاضرات، قالت: "في مرحلة التغيير، الأغلبية بيستغربون النسخة الجديدة اللي تحاول تكون عليها، ربما يسخرون ويقللون منك، أمور مثل "اما انت بتسوي كذا؟ طيب قد سويت وما استمريت وإلخ…" كلام محبط مغلف غالبًا بغلاف المزح، لا بأس لأن حتى هم بيكون صعب عليهم تغيّرك مب بس انت، لا تعتقد انك لما تتحوّل للصورة اللي في ذهنك ان مجتمعك أو محيطك ما راح يتأثر، بيتأثرون وبيحتاجون وقت لين يتقبلون ذاتك الجديدة، بكرا لما تستقر بتعرف من اللي كان يحاول إحباطك بقصد الإحباط فعلًا ولا اللي أخذ السخرية وسيلة دفاعية لا شعورية عشان بس عقله يتقبل فكرة انك بتتغير عن الشخص اللي تعودوا عليه وبمجرد ما يتعود عليك بنسختك الجديدة بتلقاه أول داعم." عمومًا، فعلًا المادة اللي تعبتني وشيّبت راسي بس على الأقل طلعت منها بفايدة