بخصوص سالفة قبولي وقتها كانوا يقولون كيف ضيعتي سنة ونص من دراستك كذا ببساطة وعدتي كل شيء؟ تخصصك ماله مستقبل، بتصيرين مجنونة، والكثير الكثير من النظرات والهمز واللمز الصدق ما كنت أفكر أصلًا باللي ضيعته، كثر ما كنت مبسوطة باللي حصلت عليه في المقابل. الحياة بعيشها مرة، وكنت ابغى -لو مرة- أسعى في سبيل شيء ابيه بحق، مدركة تبعاته، وبتجرّع مراراته وأنا أضحك قريت مرة شيء بهذا المعنى: "اختر الألم الذي تودّ عيشه"، كلنا عندنا أحلام وأهداف بس ليه فيه ناس يفشلون وما يحققونها؟ لأنهم لما يبدون يواجهون العقبات اللي تعترضهم وهم يسيرون نحو هذا الحلم أو الهدف يُحبطون وخلاص يتخلون عنه، قبل ما تحدد هدف اسأل نفسك: هل انت قادر على تحمّل الألم الناتج عن محاولة تحقيقه؟ إذا الإجابة نعم، أنت وصلت